ЯҢАЛЫКЛАР

7 апрельдә иртәнге тугызынчы ярты тирәсендә Урта Әлки авылында бер мунчада ут чыга.

Районыбызда 2013 елның сентябрендә мәдәният елы уңаеннан оештырылган “Мәдәният – яктылык чыганагы” диеп исемләнгән смотр-конкурс акрынлап кына ахырына якынлашты. Шушы бәйге кысаларында барлыгы 30 концерт күрсәтелде. Әле шуның өстенә авыл җирлекләре үзешчәннәре арасында 150 дән артык үзара чыгышлар ясалды. Һәм әле дә авыллар бер-берсенә концертлар белән йөрүләрен дәвам итәләр.

Узган атнада район хуҗалыкларының язгы кыр эшләренә әзерлеге тикшерелде. Әлеге чарада республика авыл хуҗалыгы һәм азык-төлек министры урынбасары Ришат Хәбипов һәм Спас, Алексеевск районнарыннан баш агрономнар, инженерлар катнашты.

Концерт башланырга бер сәгатьләп вакыт бар, ә зал инде тулы. Шулай булмыйча, сәхнәгә бүген иң оста үзешчәннәр Базарлы Матак мәктәбе коллективы чыга бит.

Бөек Җиңүнең 69 еллыгына багышланган спартакиаданы Россия пенсионерлар союзының район бүлеге һәм яшьләр эшләре һәм спорт бүлеге оештыра. Анда авыл җирлекләре командалары җиңел атлетика, дартс, өстәл теннисы, гомуми физик әзерлек буенча һәм “Күңелле стартлар” эстафетасында көч сынашачак. Спартакиадада теләге булган һәм табиб рөхсәт иткән һәр кеше (55 яшьлек һәм өлкәнрәк хатын-кызлар, 60 яшьлек һәм өлкәнрәк ир-атлар) катнаша ала.

Район эчке эшләр бүлеге хезмәткәрләре Базарлы Матакта уен салонын ачыклаганнар.



Крайнов урамында эшләгән әлеге салоннан “Чемпион” ҖЧҖ милке булган 7 монитор, 1 видеорегистратор, ноутбук, клавиатуралар, флеш-карталар һ.б. алынган.

Районыбызның иң өлкән кешеләре Сабиха Сәгыйтова – Яңа Чаллыда, Дарья Серова Базарлы Матакта яшиләр.

Әбиләрнең икесенә дә быел март аенда 99 яшь тулды.

Район үзәк хастаханәсенең бәби тудыру бүлегендә узган атнада ике малай, бер кыз дөньяга килде.

Яңа Сихтермә авылыннан Татьяна Стратонованың өченче баласы туды.

1 апрельдән 2014 елның икенче яртыеллыгына вакытлы матбугатка язылу башланды. Почта бүлекчәләренең күбесе газета-журналларга язылуның актив баруы турында хәбәр итәләр.

Иске Матак мәктәбенең 11 сыйныф укучысы Антон Леонтьев физкультура буенча Бөтенроссия олимпиадасының төбәк этабында өченче урынны алды.