ЯҢАЛЫКЛАР

Бәйрәмгә районның төрле авылларыннан 250ләп бала җыелды. Күбесе әти-әниләре белән килгәннәр иде. Купшы итеп бизәлгән Яңа ел чыршысы, мәдәният йорты хезмәткәрләре әзерләгән музыкаль композиция балаларның күңелләрен күтәреп, авыруларын, борчуларын оныттырып җибәрде. Малайлар һәм кызлар шигырьләр сөйләделәр, җырладылар, әкият геройлары, “җәнлек-җанварлар” белән бергә биеделәр, уйнадылар, күңел ачтылар.
Район башкарма комитеты һәм Хәйруллинның Хәйрия фонды тарафыннан әзерләнгән тәмле Яңа ел күчтәнәчләре балаларны тагын да сөендерде.
Якташыбыз, Татарстан Дәүләт Советы депутаты Фоат Вәлиев та балалар өчен әлеге бәйрәмне оештыруга 20 мең сум акчалата ярдәм күрсәтте. Сабыйлар өчен чәй өстәле дә әзерләнгән иде.

Балалар иҗат йортында сәләтле балалар өчен оештырылган район башлыгы Чыршы бәйрәме бик күп укучылар катнашында, күңелле һәм мавыктыргыч үтте.

27 декабрь – Коткаручылар көне  Бу хезмәткә  безнең илдә ихтыяҗ бик югары. Гадәттән тыш хәлләр министрлыгы коткаручылары су баскан, янгын чыккан, табигать бәла-казалары булган очракларда, аварияләрдә кешеләргә беренчеләр булып ярдәмгә киләләр һәм, кирәк икән, кичектергесез медицина ярдәме дә күрсәтәләр. Бу куркусыз белгечләр иң катлаулы шартларда да кеше гомерен коткару өчен көрәшәләр.

Ефәк ялларын җилфердәтеп юыртып, Җиребезгә Ат елы килә. Гомер-гомергә янәшәбездә яшәгән, һәрчак кешегә таяныч булган, файда китергән эшчән, чыдам, игелекле әлеге хайванның бу юлы да яхшылык кына алып киләсенә өметләнәбез, уңышлы матур еллар юрыйбыз.
Гаилә фермасында йөздән  артык елкы асраучы Әхмәт фермеры Фәнис Бакиров атларның отышлы бизнес чыганагы буласына да ышана.

2012 елның 31 декабрь кичендә клубыбызда концерт булды. Ә аннан соң конкурслар башланды. Мин һава суларга дип урамга чыктым. Клуб тирәсендәге кешеләр яныннан бераз читкәрәк киткәч, юл буенда үзе генә басып торучы берәүне күреп алдым. Якынрак килсәм, 5-6 яшьләрдәге малай төнге күк йөзенә карап тора.

Бу хәл моннан 9 ел элек булган иде. Базарлы Матакның бер төркем яшьләре берсенең фатирында җыелышып Яңа елны каршылыйлар. Курантлар төнге 12 не сукканнан соң бөтен компанияләре белән авыл үзәгендәге Төп чыршы янына киләләр, анда да биеп-җырлап рәхәтләнеп күңел ачалар. Шунда берсе бала тудыру бүлегендә эшләүче классташлары Наташаны Яңа ел белән котлап кайтырга тәкъдим итә. Кыз бәйрәм төнендә хезмәт вахтасында булган икән.

1994 елның декабрендә көчле бураннар булды. Мәктәптә югары сыйныфта укыган чагым иде бу.
Ул елларда кибетләрдә бөтен нәрсә дефицит иде. Кем каян, нәрсә табыштыра... Чыршы бәйрәмнәре үткәрергә бүләкләрне Алексеевск районыннан алып була икән,  дигән хәбәр ишетелгәч, бер укытучы апа, балалар бакчасы тәрбиячесе һәм мин ат җигеп Бибай Чаллысы аша күрше районның Чибили дигән урыс авылына юл тоттык. Мин кучер урынында инде.

Менә-менә үз вәкаләтләренә керешергә торучы 2014 ел – Көнчыгыш календаре буенча Ат елы. Ат елының авыл хуҗалыгы өчен уңышлы килүе мәгълүм. Амин, шулай була күрсен. Ә узып баручы 2013 ел Әлки тарихында ниндирәк эз калдырыр? Кайсы өлкәдә эшләребез куанырлык булды, ә кай тарафта безгә үҗәтлек җитенкерәмәгән? Бу һәм яшәешебезнең башка яклары турында сөйләшеп алу өчен без районыбыз башлыгы Фердинат Дәүләтшинга мөрәҗәгать иттек.

Районда ялган аракы сату очраклары булу турында хәбәрләр йөри.
Әмма кеше саулыгына зур зыян китерүче эчемлек сатучыларны ачыклау кыен. Авылыгызда ялган спитрлы эчемлекләр белән сату итүчеләр булса, алар хакында түбәндәге электрон почталарга хәбәр итсәгез иде: alk.prok@tatar.ru (прокуратура), ispolkom-alkeevo@rambler.ru (район башкарма комитеты).

Яңа ел төнендә караңгы күкне  фейерверклар белән балкыту гадәткә кереп бара.