ЯҢАЛЫКЛАР

Үткән декаданың һәр көнендә шәхси хуҗалыклардан уртача 287 мең сумлык сөт реализацияләнгән.

Су басудан олы зыян күргән, йорт-җирсез калган амурлыларга, Хабаровск өлкәсе халкына ярдәм чаралары үткәрелә.

Башкалабыз Казанда традицион көзге ярминкәләр башланып китте.

Базарлы Матак егете Руслан Габитдинов узган елның ноябрь аенда хәрби хезмәткә алынган. Руслан эчке гаскәрләр сафында әйбәт кенә хезмәт итә, үзен тәрбияләп үстергән әтисе һәм дәү әнисенә яхшы хәбәрләр юллап тора.
Бу җәйдә Санкт-Петербургта халыкара икътисадый  форум үткәрү чорында Руслан үзенең хәрби бурычларын үрнәк төстә үтәгәне өчен командованиенең Мактау грамотасы белән дә бүләкләнгән.

Бөтенроссия йөгерү көне быел да районыбызда зур активлык белән узды. 21 сентябрьдә булган кросста авыл җирлекләре яшьләре, гомумбелем мәктәпләре  укучылары командалары һәм танылган марафончылар – Казаннан һәм Россиянең бүтән төбәкләреннән килгән кунаклар катнашты. Бу кросс шулай ук марафончы, арабыздан вакытсыз киткән  райондашыбыз Марсель Хәлиуллин истәлегенә багышланды.

1 октябрьдән "Россия Федерациясенең хокукларга дәүләт теркәве һәм дәүләт кадастр исәбе өлкәсендәге кайбер закон актларына үзгәрешләр кертү турында" Федераль закон көченә керә.

Быел көз бик матур килде. Бер-ике көн тымызык кына яңгыр явып үтә дә, тагын кояш чыга. Яңгырдан соң һава сафланып, чистарып китә. Яңгырның шифасы күп булгангамы, гөмбә дә бик уңды. Ак гөмбәне базарда да сатып торганнарын күрдем. Бәясе шактый "тешли" үзе, өч литрлы банкага 850 сум сорап тора сатучы абзый. Шактый хезмәт куюны сорый шул гөмбә тозлау.

Мәгълүм булганча, 3 сентябрьдән 30 сентябрьгә кадәр республикада экстремизмга каршы айлык игълан ителде. Әлеге чара милләтара һәм конфессияара татулыкны ныгыту, террорлыкны һәм экстремизмны булдырмау, һәр җирдә иминлекне тәэмин итү максатында үткәрелә. Профилактика эшен яшьләр, мәктәп балалары арасында оештыру аеруча мөһим. Мәгариф учреждениеләрендә бу мәсьәлә ничек куелган соң? Районыбызның иң зур уку йортларыннан берсе булган Н.Дәүли исемендәге Базарлы Матак гимназиясе директоры ФӘРИДӘ ЯРУЛЛИНА газетада бүген әнә шул хакта чыгыш ясый.

22 сентябрь – Бөтендөнья автомобильсез көн.
Дөньяда 1998 елдан бирле үткәрелүче "Автомобильсез көн" быел якшәмбегә туры килү сәбәпле, республикада ул 23 сентябрьдә узачак.