ЯҢАЛЫКЛАР

Районыбызда иртә культураларны урып-җыю төгәлләнде. Сентябрь керү белән район механизаторлары соң өлгерә торган культуралар урагына кереште. Кукурузны силоска салу белән бер үк вакытта район кырларында көзге чәчү дәвам итә.

23 һәм 24 августта "Яшь имәннәр" балалар лагеры янындагы үзәнлектә "Челтәр компаниясе" ААҖ Чистай электр челтәрләре"нә караган районнарның энергетиклары арасында профессиональ осталык бәйгесе үткәрелде.

"Челтәр компаниясе" ААҖ  авыл хуҗалыгы эшләрен башкарганда электр челтәре хуҗалыгы объектларын саклау зоналарында эшләү    кагыйдәләрен исегезгә төшерә.

Базарлы Матак урта мәктәбенең инглиз теле укытучысы Елена Геннадьевна Леонтьева өчен быелгы җәй гаять истәлекле дә, һөнәри үсеш ягыннан файдалы һәм нәтиҗәле дә булды – ул Бөекбританиянең Брайтон шәһәрендә дүрт атналык курсларда укып кайтты. Үзе укыткан тел илендә алган тәэсирләре белән безнең белән дә уртаклашты ул.

Рудольф Нуриев – егерменче гасырның иң бөек биючесе.  "Балет сәнгатендә Рудольф Нуриев биеклегенә җитү түгел, якынлашу да мөмкин түгел"– кайбер белгечләрнең әнә шундый фикерләре үк инде күп нәрсә турында сөйли. Ә бит бу бөек шәхеснең нәсел тамырлары безнең Әлки төбәгенә килеп тоташа.

Узган атнада якташыбыз, журналист, язучы һәм шагыйрь Нәсих Таҗиев 75 яшьлек юбилеен билгеләп үтте.

Район территориаль сайлау комиссиясе Яңа Үргәгар бер мандатлы 5 нче сайлау округы буенча Яңа Үргәгар авыл җирлеге советы депутатын өстәмә  сайлауда тавыш бирүне кичектереп тору хакында карар кабул итте.

Киләсе якшәмбе – 8 сентябрьдә Базарлы Матак авыл җирлегенең 10 нчы округында һәм Чиябаш авыл җирлегенең 1 нче округында өстәмә сайлау узачак.

IХ Казан халыкара мөселман киносы  фестивале кысаларында 7 сентябрьдә районыбызда иҗат әһелләре делегациясе белән очрашулар булачак.

Татарстан Республикасында "Лизинг-грант" программасы буенча ТР Икътисад министрлыгы үткәрә торган конкурска документлар кабул итү дәвам итә. Конкурс сайлавы тәртибе Татарстан Икътисад министрлыгының рәсми сайтында "Развитие и поддержка малого и среднего предпринимательства", "Программы поддержки предпринимательства", "Программы "Лизинг-грант" бүлекләрендә урнаштырылган.
Шуны әйтергә кирәк, бу программа буенча средстволарның 30 проценты авыл эшмәкәрләре өчен, авыл хуҗалыгын үстерүгә бирелә.