ЯҢАЛЫКЛАР

IХ Казан халыкара мөселман киносы  фестивале кысаларында 7 сентябрьдә районыбызда иҗат әһелләре делегациясе белән очрашулар булачак.

Татарстан Республикасында "Лизинг-грант" программасы буенча ТР Икътисад министрлыгы үткәрә торган конкурска документлар кабул итү дәвам итә. Конкурс сайлавы тәртибе Татарстан Икътисад министрлыгының рәсми сайтында "Развитие и поддержка малого и среднего предпринимательства", "Программы поддержки предпринимательства", "Программы "Лизинг-грант" бүлекләрендә урнаштырылган.
Шуны әйтергә кирәк, бу программа буенча средстволарның 30 проценты авыл эшмәкәрләре өчен, авыл хуҗалыгын үстерүгә бирелә.

Район мәгариф хезмәткәрләренең яңа уку елы алдыннан үткәрелә торган традицион киңәшмәләре август уртасында ук башланды. Педагоглар төрле секция утырышларында шөгыльләнделәр. 27 августта пленар утырыш булды. Әлеге зур педсовет мәктәпләрнең бүгенге хәле һәм проблемалары турында эчтәлекле, эчкерсез сөйләшүләр белән узды. Билгеле, үткән уку елы алдынгылары, яңасын бик әйбәт әзерлек белән башлаучы мәктәпләр бүләкләнде дә. Пленар утырыш эшендә муниципаль район башлыгы Фердинат Дәүләтшин, район прокуроры Руслан Гыйзәтов һәм төрле оешмалар, службалар җитәкчеләре катнашты.

Хәйруллинның Хәйрия фонды җәйге каникул вакытында "Красный Восток" Агрохолдингының Әлки, Алексеевск, Яшел Үзән һәм Югары Ослан терлекчелек комплексларында эшләгән яшүсмерләргә  фидакарь хезмәтләре өчен бүләк сыйфатында Татарстан башкаласына экскурсия оештырды.

Кайбер ата-аналар үз балаларының язмышына, аларның саулыгына, иминлегенә бөтенләй җавапсыз карыйлар. Моны бүтәнчә атап та булмый. Бу җәйдә районда транспорт йөртү хокукы булмаган килеш машина руле артына утырган үсмерләр саны бик нык артты.

Сез яшь, инициатив һәм күптәннән үз эшегезне ачырга хыялланасыз, идеяларыгыз күп, әмма аларны ничек чынга ашырырга белмисезме? Димәк, сезгә Аграр яшьләр  берләшмәсе оештырган бизнес-планлаштыру  нигезләре буенча укырга ашыгырга кирәк. Сездән бары тик буш вакыт, Интернет һәм теләк кенә кирәк. Вебиннар формасында оештырылган әлеге бушлай укуларда эшмәкәрлеккә беренче адымнарын гына ясый башлаган яшьләр бизнес-план төзү серләренә төшенәчәк.

29 август кичендә бәйрәм Базарлы Матак мәктәбе стадионында дәвам итте. Биредә район үзәгеннән генә түгел, авыллардан да бик күп халык җыелган иде. Бәйрәм концертын Балалар иҗаты йортында шөгыльләнүчеләр һәм музыка мәктәбендә белем алучы яшь талантлар башлап җибәрде. Аннан соң сәхнәгә район мәдәният йорты сәнгать осталары, авыл үзешчәннәре күтәрелде.
Сәхнә белән янәшәдә урын алган чәчәк бәйләмнәре һәм яшелчә, җиләк-җимеш композицияләре күргәзмәсе дә бәйрәмгә килүчеләрне битараф калдырмады.

Республика көне районыбызда 29 августта зур чаралар белән билгеләп үтелде.

Борискино урта мәктәбе укучылары һәм укытучылары өчен Белем бәйрәме икеләтә сөенечле булды. Яңа уку елын алар яңарган мәктәптә каршы алдылар. Мәктәп бинасын бүген танырлык та түгел. 1982 елдан бирле рәтле ремонт күрмәгән мәктәп быел республиканың капиталь ремонт программасына кертелгән иде. Бүген анда яңа тормыш башланды. Ремонттан соң бинаны файдалана башлау тантанасында Татарстан Дәүләт Советы депутаты Валентина Липужина һәм район башлыгы Фердинат Дәүләтшин катнаштылар.