ЯҢАЛЫКЛАР

Республика көне уңаеннан районыбызда күп төрле спорт, күңел ачу чаралары оештырыла.

"Красный Восток" Агрохолдингы басуларында терлек азыгы әзерләү һәм бөртекле культураларны урып-җыю тәмамлана. Моннан тыш, барлык хуҗалыкларда да авыл хезмәтчәннәре көзге культураларны чәчү һәм җирне эшкәртүгә дә керешкәннәр.
Искәртеп узыйк, август башында күп еллык үләннәр чәчелгән 17,9 мең гектар мәйдан чабылган иде. Бүгенге көндә 23,7 мең гектар мәйданда бер еллык үлән чабылган. 173 мең тонна сенаж һәм 30,8 мең тоннадан күбрәк печән әзерләнгән. Тулаем алганда, "Красный Восток" Агрохолдингы игенчеләре һәр шартлы терлек башына 12,6 центнер азык запасы туплаган.

27-30 августта "Колос" кинотеатрында "Сокровища озера Кабан" (Кабан күле хәзинәләре) фильмы күрсәтеләчәк.

29 августта "Колос" кинотеатрында 2013-2014 елгы ягу сезонында алда торган бурычлар хакында киңәшмә булачак.

1 сентябрьдән юл йөрү кагыйдәләрен бозучыларга штрафлар күләме арта.

Түбән Әлки урта мәктәбенең 11 сыйныф укучысы Салават Шәрипов билбаулы көрәш буенча Россия беренчелегендә  икенче урын алды.

Республика көне һәм Белем көне уңаеннан бәйрәм тантаналары әзерләү һәм үткәрү вакытында өстәмә хәвефсезлек чаралары күреләчәк.

Үткән атнада районыбыздан 44 укучы Биләрдә "Сәләт" халыкара яшьләр форумында катнашты.

Районда быел 25 мең гектар мәйданда уҗым культуралары чәчү планлаштырылган.Чиста һәм биләгән пар җирләрен исәпләп, шулкадәр мәйданда көзге чәчү үткәрү мөмкинлеге бар. Әмма игенчеләребез, уҗым культураларының теләсә нинди елны тотрыклы уңыш бирергә сәләтле булуын искә алып, көзге чәчү мәйданнарын 30 мең гектарга кадәр җиткерүне максат итеп куялар. Моның өчен июль аенда игеннәрдән бушап калган җирләрне һәм кукурузы урып силоска салынган кырларны эшкәртеп файдаланырга планлаштыралар.

1976 елда бөтенсоюз билгеләмәсе буенча районыбызга килеп, Надежда Ларионова Колчурино балаларына математика укыта башлый. Ә 1995 елдан ул  мәктәп директорының укыту-тәрбия эшләре буенча урынбасары итеп билгеләнә.