ЯҢАЛЫКЛАР

Бүген районыбызда умартачылык белән шөгыльләнүчеләр аз түгел. Кемдер бу шөгыльне яңа башлап җибәрсә, ата-бабаларыннан күчкән умартачылык хезмәтен дәвам иттерүчеләр дә бар. Соңгы елларда умартачылыкка  игътибар артса да, бу эшнең зур өлеше әле дә булса һәвәскәрләргә туры килә.
Кошки авылында яшәүче Галина Павлова бу мавыктыргыч һәм үзенчәлекле хезмәт белән бик күп еллардан бирле шөгыльләнә. Шушы көннәрдә без Галина Геннадьевна янында булып, аның эш серләре белән танышып кайттык.

Лаеклы ялга чыктымы, кеше хезмәт вазыйфаларыннан гына түгел, күп еллар бергә эшләгән коллективыннан, туганнардай якынаеп беткән хезмәттәшләреннән аерыла, аның аралашу даирәсе бик нык тарая. Ә буш вакыт, киресенчә, күбәя. Аны ничек файдалы итеп оештырырга, күңел төшенкелегенә бирелмичә, ялгызлыкка бирешмичә ничек көн итәргә?

Район эшмәкәрләре өчен файдалы киңәшмә үткәрелде – Татарстан икътисад министры урынбасары җитәкчелегендә бер төркем белгечләр үз эшен булдыручыларга, крестьян-фермер хуҗалыклары башлыкларына дәүләт ярдәме һәм банклар хезмәте турында күпкырлы мәгълүмат җиткерделәр.

Авыл хуҗалыгы предприятиеләрендә эшләүче агроном, инженер-механик, зоотехник, ветеринария табибы, икътисадчы, бухгалтер кебек белгечләр 100 мең сумга кадәр грант ота ала.

Ташбилге авылында Рәмзил Әхмәдиев гаилә фермасындагы 24 сыердан һәр көнне 18 әр килограмм сөт савалар.

Ел буе көтеп алган милли бәйрәмебез – район Сабан туе 8 июньгә, шимбә көнгә билгеләнде.

6-12 май көннәрендә Берләшкән Милләтләр оешмасы тарафыннан Икенче Глобаль юл хәрәкәте куркынычсызлыгы атнасы үткәрелә. Ул җәяүлеләрнең куркынычсызлыгын тәэмин итү проблемасына багышлана.
Бу көннәрдә ТР буенча Эчке эшләр министрлыгы Дәүләт автоинспекциясе дә җәяүлеләр катнашында аварияләрне булдырмауга багышланган чаралар үткәрә: җәяүлеләр өчен юл аркылы чыгу урыннарының торышы тикшерелә, машина йөртүчеләрнең җәяү йөрүчеләргә юл бирмәү фактларын ачыклау буенча эш көчәйтелә, җәяүлеләрнең кагыйдәләрне үтәүләренә дә игътибар арттырыла.

9 Май, Бөек Җиңү көне. Быел без аны 68 нче тапкыр билгеләп үттек. Шәһәр-авылларда иртәдән бәйрәм тантанасы хөкем итте. Ә район үзәге Базарлы Матакта Җиңү бәйрәме һәрвакыттагыча "Азат итүче солдат" һәйкәле янында митинг формасында үтте.

Гер күтәрү буенча Россиянең спорт мастеры, Карга авылында яшәүче Газинур Фәттахов турында хәзер Татарстанда һәм аннан читтә дә беләләрдер. Спортның әлеге төре белән ул яшьтән үк бик тырышып шөгыльләнә һәм нәтиҗәдә югары күрсәткечләргә ирешә.
Үзбәкстанның Ташкент шәһәрендә узган чираттагы чемпионатта Газинур Наил улы  барлык көндәшләрен дә артта калдырды һәм үз үлчәү категориясендә дөнья чемпионы булды.

1 майда элекке автостанция бинасы тулы куәткә эшли башлады. Шактый вакыт иясез торган  бинага яңа сулыш өрелде. Биредә хәзер тормыш кайнап торыр.