ЯҢАЛЫКЛАР

Росреестрның Татарстан буенча идарәсе хәбәр итә: республикада үткән елның 8 августыннан бирле кадастр эшчәнлеге өлкәсендә үзен-үзе җайга салучы оешма - "Татарстан Республикасы кадастр инженерлары берләшмәсе" коммерциячел булмаган партнерлык эшләп килә.

Менә тагын бер уку елы артта калды. Мәктәп балаларының җәйге каникуллары башланды. Балалар җәйге чорда файдалы эшләр белән мәшгуль булырга, саф һавада хәрәкәтле уеннар белән шөгыльләнеп, рәхәтләнеп ял итәргә тиешләр, билгеле. Балаларның җәйге ялын оештыру район башкарма комитетының чираттагы утырышында да каралды.

"Алексеевскдорстрой" ААҖ Әлки участогы эшчеләре районда юлларның сыйфатын яхшырту буенча күләмле эш алып баралар.

27 майда 11 сыйныф укучылары бердәм дәүләт имтиханының беренчесен тапшырдылар.

Республика Сәламәтлек саклау министрлыгы үткәрә торган "Ел табибы-Ак чәчәкләр" бәйгесенең финалына чыгучылар арасында районыбызның ике табибы да бар.

Узган ун көндә районда  халыктан 219 тонна сөт җыеп эшкәртүчеләргә тапшырылды. Бу үткән елның шул чоры күрсәткеченнән 21 тоннага, ә алдагы ункөнлектәгедән 9 тоннага күбрәк.

22-24 майда Түбән Кама шәһәрендә билбаулы көрәш буенча 1996-1998 елларда туган үсмерләр арасында республика беренчелеге булды.

25 майда районыбыз мәктәпләрендә соңгы кыңгырау чыңлады. Күпләрнең хәтерендә тирән уелып кала торган истәлекле вакыйгаларның берсе ул – соңгы кыңгырау бәйрәме.
Быел  районыбыз мәктәпләрендә 122 егет һәм кыз 11 сыйныфны, 264 укучы 9 сыйныфны тәмамлыйлар.

"Мин ришвәт алмыйм, ил өчен йөрәк әрни!"– "Белое солнце пустыни" фильмы героеның канатлы гыйбарәгә әйләнгән бу сүзләре бүген Россиядә беркайчан да булмаганча актуаль.
Әйе, без бүген күп мәсьәләләрне ришвәт биреп кенә хәл итеп булган  чорда яшибез. Сер түгел, катлаулы проблеманы тизрәк хәл итү өчен  күпләр ришвәт бирергә әзер. Моннан тыш, хезмәт урыныннан усалларча файдаланып үз кесәсен тутыручылар да байтак. Бер сүз белән әйткәндә, коррупция җәмгыятебездә тамырларын тирән җибәрде, һәм бу яманлыкка чик кую ансат булмас.

Үзеңнең кемлегеңне белергә, киләчәгеңне күзалларга теләсәң, үткәннәргә борылып кара, диләр. Үткәннәрне җентекләп өйрәнү, объектив бәяләү милләтебез-халкыбызның асылын, тарихта тоткан урынын аңларга да мөмкинлек бирә шул. Узган шимбәдә – 25 майда  изге Болгар җирендә булган зур җыен да кабат тарих сәхифәләренә сәяхәткә чакырды, халкыбызның шанлы үткәне өчен чын горурлык хисләре кичерергә, бүгенге сокланырлык матур һәм зур эшләренә чиксез сөенергә мәҗбүр итте.