ЯҢАЛЫКЛАР

РОСТО (ДОСААФ) оешмасы мәктәпләрдәге сигез автокласста белем алучы 10-11 сыйныфлар укучылары арасында автомобиль йөртү осталыгына бәйге үткәрде. Анда 11 команда катнашты. "Яшь йөртүче-2013" бәйгесендә Түбән Әлки урта мәктәбе автоклассында укучылар беренче урынны алды.

Тормышта бик күп нәрсәләр төрле законнар, рәсми документлар ярдәмендә җайга салына. Аларны кайсыбыз гына әйбәтләп аңлый да асылын белеп, көнкүрештә куллана икән?! Ә бит юридик белемнәрнең әледән-әле кирәге чыгып тора: җир кишәрлеген рәсмиләштерәсе була, гомер иткән өеңә хокукны теркәргә кушалар. Якын туганнарыңнан калган мирасны да дәүләт теркәве аша үткәрәсе… Кыскасы, бүгенге тормышта шуңа охшашлы сораулар гел туып тора. Алар белән кемгә мөрәҗәгать итәргә?

Планетабызның күпчелек өлешендә туберкулез әлегәчә куркыныч йогышлы авыру булып кала бирә. Бөтендөнья сәламәтлек саклау оешмасы мәгълүматларыннан күренгәнчә, дөньяда һәр секунд саен бер кеше туберкулез йоктыра. Ел саен бу авыру өч миллионга якын кешенең гомерен өзеп, дөньяда иң куркыныч "үтерүче инфекция" булып кала.

29 мартта "Парклар маршы-2013"  Халыкара табигатьне саклау акциясе старт алды.

"Строитель и К" ҖЧҖ ТР Төзелеш, архитектура һәм торак-коммуналь хуҗалыгы министрлыгының беренче дәрәҗә Дипломы белән бүләкләнде.

Базарлы Матакның Шәүкәт мәчете янәшәсендә менә берничә ел инде төзелеш бара. Җылы сары төстәге кирпечтән төзелгән бинаның икенче каты әзер. Өске яклары ярымтүгәрәк формадагы биш тәрәзә уемы белән көньяк-көнчыгышка карап торган бу бина төзелеп беткәч мәдрәсә булачак, биредә мөселман балалары дин белеме алачак. Теләге булган өлкәннәргә дә мәдрәсә ишекләре ачык булачак, билгеле.

1 апрельдә гадәттән тыш хәлләр буенча район комиссиясенең чираттагы утырышы булды. Анда язгы ташуга әзерләнү, әлеге чорны имин, зыян күрмичә үткәрү чаралары хакында сүз барды.

Туган якларыбызга җылы, ямьле яз килде. Игенченең күңелен җилкендергән,  аның алдына гаҗәеп зур җаваплылык та куйган  чор бу. Язгы кыр эшләре башланырга инде санаулы гына көннәр калып бара бит. Сабан эшләрен дулкынланып көтүчеләр арасында "Кызыл Шәрык-Агро" ААҖ нең "Карга" отряды агрономы Илнар Туктамышев та бар. Быелгы  кыр эшләре агроном вазыйфасында Илнарның әле тәүге хезмәт чоры.

Тулаем алганда, авыл җирендә тормыш тыныч, бездә яшәүче кешеләрнең дә зур күпчелеге тәртипле, законнарны бозарга ярамаганны аңлый. Әмма кешеләрнең төрлесе була шул: кайбер "тиктормас җаннар" гаиләсенең, күршеләренең өнен алып, гауга куптара, якыннарына кул күтәрә. Я булмаса, караклык юлына баса, эчеп-исереп йөри, җәмәгать урыннарында, урамда хулиганлык кыла… Кыскасы, башкаларга тыныч яшәргә комачаулый, хәтта кайгы-хәсрәт тә китерә, ягъни, җинаять кыла.

Закон бозуларны булдырмау өчен нәрсә эшләргә, нинди чаралар күрергә соң? Үткән атнада уздырылган хокук бозуларны кисәтү буенча ведомствоара комиссиянең икенче утырышында катнашучылар әнә шул турыда сљйләштеләр, фикер алыштылар.

Узган якшәмбедә, Масленицаның соңгы көнендә, Түбән Кәчи авылында кышны озату бәйрәме булды. Чуашларның Масленицага аваздаш милли бәйрәме "саварни" дип атала. Ул кышны озату, язны каршы алу символы булып санала.